Қостанай облысының Бас имамы Бахытбек қажы Нұрғабылұлы арнайы жұмыс сапармен Жітіқара ауданына арнайы сапары кезінде «Қара бүркіт» атауымен белгілі № 39 түзету мекемесінде болды.

Ол осы мекемедегі кітапхананың діни кітап қорын қарап, ҚМДБ-ның арнайы сараптамасынан өткен қосымша әдебиеттермен толықтырды. Қазіргі таңда мекемеде 400 ден астам діни әдебиет қоры жинақталған.

Сонымен қатар мекемеде жұмыс істейтін қызметкерлерімен кездесіп, «Дәстүрлі ислам құндылықтары» тақырыбында, ал жазасын өтеушілермен «Ізгі қоғам» тақырыптарында әңгіме өрбітті.

Қостанай облыстық мешітінің баспасөз қызметі