Республикалық ақпараттық тобының мүшесі Нұрсұлтан Мамедалиев арнайы іс-сапармен Қостанай өңірінде болды. Ол осы сапар барысында алдымен қалалық «Марал ишан» мешітінде жергілікті жамағатпен кездесті.

Білікті маман бұл жүздесуде діни ілімнің маңызы жайлы уағыз айтты. Жұртшылық тарапынан қойылған сауалдарға тұшымды жауап берді.

Сондай-ақ облыстық «Аймағанбет қажы Спанұлы» мешітіндегі жұма намазына қатысып, «Исламның тірегі болған төрт хадис» тақырыбында насихат айтты.

Жиналған жұртшылық мазмұнды уағызды зейін қоя тыңдап, өздерінің шынайы ризашылықтарын білдірді.

Қостанай облыстық мешітінің баспасөз қызметі.