Қостанай қалалық «Жайлаубай ата» мешітінде адамзаттың асылы, Ұлы Мұхаммед пайғамбарымыздың құрметіне арналған Мәуліт – шариф оқылды. Онда ұстаз - Нұғман құран қари бастаған аталмыш имандылық ордасының жамағаты мен жас шәкірттер пайғамбардың ғибратты өмірі жайлы кеңінен насихаттады.

Жиналған жұртшылық жайылған дастархан басында тағылымды уағызды мұқият тыңдап, көп жайды көңіліне түйді. Мәуліт -шарифтен ерекше рухани нәр алып, жамағат түнгі намазды бірге оқыды.

Мұндай игі басқосулар мұсылман қауымының арасындағы ауызбірлік пен ынтымақты барынша нығайта түсетіндігі ақиқат. Барша бауырларымыздың жасаған ізгі амалдары мен ниеттері қабыл болсын!

Қостанай облыстық мешітінің баспасөз қызметі