Қарабалық аудандық ардагерлер ұйымы кеңсесінде өткен жиында «Ас беру», «Зират және зиярат» мәдениеті туралы маңызды құжаттар таныстырылды. Оған жергілікті ақсақалдар, зиялы қауым және ақ жаулықты аналар қатысты.

«Ғашура ана» мешітінің Бас имамы Серік Темірбекұлы аталған құжаттарға жан-жақты тоқталып, өз ойын ортаға салды. Қазақстан мұсылмандары діни басқармасының ұстанған бағытын ардагерлер қолдап, қаралған мәселелер ұлтымыздың салт-дәстүріне сай келетіндігін айтты.

Жоғарыда аталған басқосуға арқау болған жай қазіргі таңда елімізде қолға алынып жатқан діни рәсімдерді уақыт талабына сай бір ізділікке түсіріп, жұртшылыққа жете ұғындыру болатын.

Қостанай облыстық мешітінің баспасөз қызметі