Жуырда Лисаков қаласында "Әбдіхаим Саламатұлы" мешітінің Бас имамы Әкімбек Асановтың қолдауымен "Тілдерді оқыту" ұжымы Көрісу күнінің құрметіне орай "Ақ бата" атты байқау өткізді.

Имандылық ордасындағы осынау танымдық-тағылымдық басқосуға алқа мүшелері мен қала ақсақалдары қатысты. Аталмыш іс-шараның мақсаты - қазақ халқының бірлігі мен ынтымағы жолындағы ұлттық құндылығымыз бата беру дәстүрін өскелең ұрпаққа үлгі ету және насихаттау.

Байқау барысында батагөй ақсақалдар парасаттылық пен көрегендіктерін танытты. Жиын соңында Бас имам аға ұрпақ өкілдеріне алғысын білдіріп, жеңімпаздарға Алғыс хат пен бағалы сыйлықтар тапсырды.

Қостанай облыстық мешітінің баспасөз қызметі