Қазақстан мұсылмандары діни басқармасының Қостанай облысы бойынша өкілдігі “С” санаттағы дін қызметкерлерінен емтихан алды.

Сынақ басталмас бұрын Бас имам Бектұрсын қажы Торғайбайұлы сөз сөйлеп, бүгінгі имамдардың тұлғалық келбетіне тоқталды. Ең бастысы, олардың бойынан заман талабына сай терең білім, кемел парасат, көркем мінез, халыққа өнеге болар асыл қасиеттер табылуы керектігін баса айтты. Емтихан барысында ұстаздар шариғат ілімдері бойынша Дархан Сыздықов пен Саидаббас Мираманов, Құран және тәджуит бойынша Мұртаза Балахмет пен Қызылбай Сұңғат әділқазылық етті.

Жалпы, Қостанай облысындағы аудан, ауыл имамдары мен молдаларынан сынақ алынып, білімдеріне лайықты баға берілді.

Қостанай облыстық мешітінің баспасөз қызметі