Үстіміздегі жыл Қарабалық өңірі үшін айтулы мерейтойға толы. Өйткені, ауданға 95 және жергілікті имандылық ордасына айналған «Ғашура ана» мешітіне 15 жыл толды.

Жуырда Тәуелсіздік күні құрметіне және мешіттің 15 жылдығына орай жасөспірімдер арасында Қазақ күресінен жарыс өткізілді.

Аталған сайысқа аудан бойынша 100-ден аса жас спортшылар қатысты. Олар алты салмақ бойынша бақтарын сынап, боз кілемде белдесті. Әділқазылар лайықты бағаларын беріп, жеңімпаздар марапатталды.

Бас имам жүлдегерлерді құттықтап, уағыз-насихат айтты. Ауыл ақсақалы Жақсылық қажы ақ батасын берді.

Қостанай облыстық мешітінің баспасөз қызметі