Арқалық қалалық «Мухтасиб Әлмұхаммед» мешітінде «Имани жаз» жазғы сауат ашу курсы аяқталды. Онда Бас имам Нұрхан Асанұлы үлкенге құрмет, кішіге ізет көрсету жайлы балаларға ұлағатты сөзін арнады.

Сондай-ақ, спорттың бірнеше түрлері - арқан тарту, асық ату, футбол және дойбы ойындарында ерекше көзге түскен әрі белсенділік танытқан шәкірттерге мадақтау қағазы тапсырылды.

Сабақ барысында оқушылар дәріс тыңдап ғана қойған жоқ, қаншама жан дүниелерін байытып, таным көкжиектерін кеңейтетін тағылым алды.

Қостанай облыстық мешітінің баспасөз қызметі