Жуырда Лисаков қалалық «Әбдіхаим Саламатұлы» мешітінде көктемгі алғашқы мереке, алғыс айту күнімен және халықаралық әйелдер күнінің қарсаңында, ғұмырының саналы уақытын мешітке қызмет етуге арнаған Қымбат Қалиқызына арнайы сый-құрмет көрсетілді.

Айта кетсек Досмухамбетова Қымбат Қалиқызы 1996 жылы Лисаков қалалық мешітіне есепші болып жұмысқа орналасқан. Ол кезде қазақ саны 5% дан аспайтын уақытта мешіт ұстап тұрудын өзі қандай қиын екендігі айтпасада белгілі.

Қиындыққа толы бірнеше жылдар өтіп, Лисаков қаласының мұсылмандар санаты көбейіп, қала тұрғындарының ықпалымен, сол кезде ел басқарып отырған азаматтардын демеуімен, мешіт басқарып отырған Рахым Серік имамның зор еңбегінің арқасында «Быткомбинат» ғимараты мешітке берілді.

Араға тағыда біраз уақыт салып Лисаков қаласында заманауи үлгіде, жаңа мешіт салынып 2018 жылдың 2 қыркүйегінде пайдаланысқа беріледі. Осынау уақыттың барлық қиыншылығына төзіп, 23 жыл бойы Қымбат Қалиқызы мешітте еңбек етіп келе жатыр.

Биылғы жылы көктемнің алғашқы мерекелерінде Лисаков қалалық «Әбдіхаим Саламатұлы» мешітінің бас имамы алғысын білдіріп арнайы алғыс хатпен марапаттады.

Үстіміздегі жастар жылы Жітіқара аудандық «Ержан Тәтішев» мешітінде де тиісті деңгейде аталып өтіп, кейінгілерге үлгі-өнеге боларлықтай іс-шаралар жүзеге асырылуда.

Мысалға аталған мешіт қызметкерлері аптасына екі рет аудандық «Пионер» спорт кешініде футболдан жарыс ұйымдастырып келеді.

Біздің қазақ «Жаны саудың - тәні сау» деген сөзді босқа айтпайды. Бұл орайда жастардың тарапынан да ерекше белсенділік байқалады. Футболдан мұндай жарыстар өткізудің де өзіндік тәрбиелік мәні зор.

-Спортпен айналысқан адамның көңіл күйі жоғары болады. Сондай-ақ өзін әрқашан да сергек сезінеді. Сондай-ақ ұлттар арасындағы достық пен бірлікті нығайтуға да өзінің септігін тигізеді,-дейді аудандық мешіттің имамы М. Бердығожин.

Өңіріміздегі мешіттерде мұндай салауатты өмір салтын ұстануға деген ықыластың арта түсуі баршамызды да ерекше қуанышқа бөлейді.

«Білім сайысы»

«Жастар жылы» аясында Рудный қалалық «Нұр» мешітінде мешіт шәкірттері арасында сайыс өтті. Жарысқа Рудный қалалық «Нұр» мешітінің шәкірттері, Қостанай облыстық «Аймағанбет қажы Спанұлы» мешіті және Қашар кенті «Кәмшат ана» мешітінің шәкірттері қатысты.

Жарыс соңында 1 орынды Қостанай облыстық мешітінің шәкірттері, екінші орынды қалалық «Нұр» мешітінің шәкірттері, ал үшінші орынды «Кәмшат ана» мешітінің шәкірттеріне иеленді.

Қайырымдылық: Қасиетті жұма күні Рудный қалалық «Нұр» мешітінде қайырымдылық жәрмеңкесі ұйымдастырылды.

Зекет қорының ұйымдастыруымен өткен бұл жәрмеңкеден түскен қаражатты қайырымдылық ретінде Рудный қаласындағы денсаулығы нашар баланың емі үшін берілді.

Спорт: Өткен аптада «Жастар жылы» аясындағы қаладағы «Олимп» спорт кешенінде мешіт жамағаты арасында футболдан жарыс өткізілді.

Бұл жарысқа келген барша жамағатқа мешіттің найб имамы Ерлан Өмірбекұлы жалпы салауатты өмір салтының тигізер пайдасы мен денсаулыққа ерекше ықпалы жөнінде өз көзқарасын білдірді.

Спорттың футбол түрінен өткізілген жарыста барлық командалар жақсы жағынан көзге түсуге талпынды. Оның қорытындысы бойынша жүлдегерлерге құрмет көрсетіліп, оларға мақтау қағаздары салтанатты түрде тапсырылды.

Жуырда ҚМДБ-ның тапсырмасы бойынша «2019 жыл – жастар жылы» аясында Қостанай қалалық «Жайлаубай ата» мешітінің наиб имамы Дархан Қосылбаевтың қатысуымен 4-ші және 1-ші курс студенттерімен «Иманды жас буын – ел болашағы», «Дәстүрлі емес діни жат ағымның залалы» атты тақырыпта кездесу болып өтті.

Бұл жүздесуге келген 60-қа жуық жастарға «Иманды ұл, инабатты қыз және ата-ана» туралы кең ауқымда баяндама оқыды. Сондай-ақ асыл дінімізге күйе жағып, кір келтіріп жүрген діни жат ағымдардан сақтану үшін «Сәләфизм» формасы, болмысы, ұстанымы, мақсаты мен залалының ара жігін ажыратып берді.

Сонымен қатар студенттер назарына «Теріс ағымның залалы» тақырыбында бейнеролик ұсынылды. Студенттер тарапынан «Дүние жүзіндегі діни қақтығыстарға Ислам дінінің ықпалы бар ма?», «Әйел және қыз баланың исламдағы орны қандай?» деген сұрақтарға нақты жауап қайтарылды.

Сөз соңында наиб имам жастарға білікті маман иесі болып, еліне адал қызмет етуге және әрдайым діни жағынан сергек болуға шақырды.

Ана деген қасиетті сөз! Ұлтыңды сақтағың келсе, аналарды сақта деген атам қазақ!

Үстіміздегі жылғы 1 наурыз - Алғыс айту, 8 наурыз - Халықаралық әйелдер күндеріне байланысты Ұзынкөл ауданының «Балықты» мешітінің бас имамы Есенгелді қажы Ажмаханның ұйымдастыруымен ауданымыздың мешітінде салтанатты мерекелік шара өтті.

Онда аудан әкімі Қайрат Тынымбайұлы мен аудандық мәслихат хатшысы Алтынай Сабырқызы құттықтау сөз сөйлеп, нәзік жандыларға жылы лебіздері мен тілектерін білдірді.

Мешітке жиналған әжелер өз өнерлерін көрсетті. Елбасының республикамыздағы барша ұлт өкілдерінің тату-тәтті ғұмыр кешіп, аянбай еңбек етулеріне барлық жағдайды жасап жатқандықтарын ерекше атап өтті.

Мерекенің соңында Бас имам Есенгелді қажы Сақтағанұлы аналардың қоғамдағы алатын орны жайлы айтып, оларға алдағы уақытта мықты денсаулық, отбасында бақыт тіледі.

Сондай-ақ жиналған асыл әжелерімізге бағалы сыйлықтар табыс етті. Аналар мұндай басқосуды ұйымдастырған дін қайраткеріне шынайы алғыстарын жеткізді.

Қостанай қалалық «Жайлаубай ата» мешітінде қазақтың аса көрнекті ағартушысы, қоғам қайраткері, баспагер, жалынды көсемсөз шебері, қала берді Алаштың ардақты ақыны, журналист, «Алаш» мемлекетінің негізін салушы тұлғалардың бірі Міржақып Дулатұлының «Оян, қазақ!» атты өлеңінің өрнегі мен өнегелі, жастарға ғибрат боларлық басқа да қырлары жөнінде жиын болып өтті.

Бұл басқосудың мақсаты - даңқы жерлесіміздің жастарға берер ой пікірлері жайлы әңгімелеу болатын. Сондықтан – да болар мәжілістің тәлімдік жағы ерекше аталды.

Аталмыш шараға ақын, жазушы, филология ғылымдарының кандидаты, профессор, аға оқытушы Серікбай Оспанов, Кейкі батыр естелік медалінің, халықаралық «Шабыт» фестивалінің бас жүлдесінің иегері, журналист, ақын Абылай Мауданов сияқты көпшілікке танымал азаматтар қатысты.

Онда, Серікбай Оспанов М.Дулатұлы туралы мән-мағынасы терең әңгімелер айтса, жас ақын Абылай Мауданов ұлы тұлғаға арнауын оқыды, сондай-ақ Қостанай қалалық «Жайлаубай ата» мешітінің наиб имамы Дайыр Дүйсен көпке белгілі азаматтың діни сауаттылығы жайлы сөз қозғай отырып, оның «Я,Алла!», «Алашқа», «М.Дулатұлының өмірі мен шығармасы» атты тамаша бейнероликтерді жұртшылыққа ұсынды.

Жиыннан А. Байтұрсынов атындағы Қостанай мемлекеттік университетінің ветеринария және мал шаруашылығы технологиясы факультетінің және Қостанай мемлекеттік педагогикалық институттың филология факультетінің студенттері мен мешіт шәкірттері үлкен әсер алды.

Семинардың соңында Міржақып атамыздың рухына құран бағышталып, қатысушыларға қыстың қымызы болып табылатын құрт көже мен бауырсақ ұсынылды.

Баршаға мәлім, 2019 жыл «Жастар» жылы болып жарияланды. Осыған орай облыс орталығына таяу орналасқан Рудный шаһарында спорт ойынынан сайыс өткізілді.

Ол осы шаһардағы «Нұр» мешітінің ұйымдастыруымен жүзеге асырылды. Оның барысында мешіт жамағаты шахматтан бақтарын сынады. Барлық ойыншылар өздерінің жақсы әзірліктермен келгендігін танытты.

Мықтылар қашан да көзге түспей қоймайды. Жарыстың қорытындысы бойынша жоғарыда аталған мешіттің бас имамы Азамат Серікбайұлы қатысушыларға шынайы алғысын білдірді.

Оларға яғни жүлдегерлерге арнайы сыйлықтар тапсырылып, мақтау қағаздарымен марапаттады. Онда бірінші орынды Талап Сейдахметов, екінші орынды Жалғас Шериев, үшінші Ерболат Әлмұхамедов иеленді.

Ал Рудный қаласына қарасты Қашар кентіндегі «Кәмшат ана» мешітінде де жамағат «Тоғызқұмалақ» ойынын қыздырды. Мұндай шаралар жамағаттың ынытмақ бірлігін нығайтуға септігін тигізері хақ.

Мұнда бас имам Мұрат Нұрпейісұлы жеңімпаздарға құрмет көрсетіп, арнайы мақтау қағаздарын салтанатты түрде табыс етті.

Халқымыз ата-анасының жұмаққа кіруіне себепкер болатын қыз баласын төрінен төмен түсірмей, бетінен қақпай, аялайды. Суының тұнығынан ішкізіп, киімнің жақсысынан кигізіп, көңіліне қаяу түсірмей, құтты орнына қондырады.

Себеп – Алланың аманатына қиянат етпеу. Демек, қыз бала – отбасының берекесін келтіріп, мерейін тасытатын жан болғаны. "Әйел адам бір қолымен бесікті тербетсе, екінші қолымен әлемді тербетеді"-деген сөз де бекер айтылмаса керек.

Қостанай облысындағы Денисов аудандық "Жұма" мешітінде 8 наурыз – халықаралық аналар күніне орай, есте қаларлық іс шара ұйымдастырылды. Онда осындағы мешіттің бас имамы Болатжан Байшев ақ жаулықты аналарымызды төл мерекесімен құттықтап, оларға лайықты құрмет көрсетті.

Арнайы дастарқан жайылып, аналарға ілтипат танытты. Өмір көрген апаларымыз мешіт қызметкерлеріне шын жүректен шыққан шынайы лебізін білдірді.