Қостанай облыстық мешітінің жанындағы найб имам Бақытжан қажы Икрам жетекшілік ететін Зекет және қайырымдылық қорының жұмысы Барыс жылы да жалғасын тапты.

Өткен қаңтар айында өңірде қолдауға мұқтаж жандарға көмек көрсету мақсатында 35 іс-шара ұйымдастырылып, 135 отбасының ризашылығына бөленді.

Оларға азық-түлік, киім-кешек, көмір алып берілді. Осы үшін сауабы мол игі іске 1 млн. 355 200 теңге жұмсалды. Бұл орайда жаны жомарт, жүректері мейірімге толы кәсіпкерлердің демеушілік жасағандарын ерекше атап өткен жөн.

Қор басшысының сөзіне сенетін болсақ, мұндай жәрдемге зәру кісілердің өтініш - тілектері алдағы уақыттта да басты назарда ұсталатын болады.

Қостанай облыстық мешітінің баспасөз қызметі