Жуырда Қостанай облысының Бас имамы Бахытбек қажы Тәжімбет Әулиекөл ауданында болды. Алдымен аудан әкімі Жансұлтан Таукеновпен кездесіп, өңірдегі қалыптасқан діни ахуал жөнінде тілге тиек етті. Үстіміздегі жылы жүзеге асырылатын маңызды міндеттер жайлы пікір алысты.

Содан кейін дін қайраткері бірқатар тағылымы мол кездесулерге қатысып, өзінің көкейде жүрген ойларын ортаға салды. Мәселен, аудандық кітапханадағы басқосуда аға ұрпақ өкілдері – ақсақалды қарттар мен ақжаулықты аналармен дидарласып, «Ислам және ұлттық құндылықтар» тақырыбы жөнінде тебірене сөз сөйледі.

Сондай-ақ аудандық аурухана қызметкерлерімен жүздесуде отбасындағы сыйластық жөнінде әңгіме өрбітті. Онда отағасының жанұядағы беделі және шаңырақтың ұйытқысы әйелдің алатын орны жайлы айтылды. Ата-ана әрдайым өз ұрпағына үлгі-өнеге болуға тиіс екендігіне баса назар аударылды.

Қостанай облыстық мешітінің баспасөз қызметі

Өңірде бірнеше күннен бері қаһарына мінген аяздың беті әлі қайтар емес. Алайда, соған қарамастан аянбай қызмет етіп жатқан коммуналдық шаруашылық саласы қызметкерлерінің еңбегін қалай мақтан етсек те әбден лайықты.

Олар уақытпен санаспай облыс орталығының көшелерін қар мен мұздан тазалап жатыр. Міне, қиындыққа мойымай, өз кәсіптеріне адалдық танытқан жерлестерімізге Қостанай қалалық «Марал ишан» мешітінің ұжымы ыстық шай мен тәтті тоқаштар ұсынып, қайырымдылық ықыластарын көрсетті.

Имандылық ордасы тарапынан көрсетілген құрметке жұмысшылар дән риза болып, алғыстарын жаудырды.

Қостанай облыстық мешітінің баспасөз қызметі

Жуырда Қостанай облыстық «Аймағанбет қажы Спанұлы» мешітінің найб имамы Нұрлан Сейдағалиев өңіріміздегі Ұзынкөл және Меңдіқара аудандарында іс-сапарда болды.

Ол алдымен Ұзынкөл ауданындағы №1 орта мектебінің мұғалімдерімен жүздесті. Онда «Теріс ағымдардың зияны және оның алдын-алу», «Бала тәрбиесі» жайында әңгімеледі.

Содан кейін ауылы аралас, қойы қоралас жатқан Меңдіқара ауданына ат басын тіреді. Онда жергілікті «Қарамақы» мешітінде жамағатпен кездесіп, «Алланың үйіне қызмет ету» тақырыбын қозғады.

Сондай-ақ, аудандық аурухана дәрігерлері және медбикелеріне «Деструктивтік діни ағымдар және олардан сақтану әдістері» жөнінде өмірден нақты мысалдар келтіре отырып, тақырыптың мәні мен мазмұнын түсіндірді.

Ал, Мендіқара аудандық ішкі істер бөлімінің қызметкерлерімен өткен басқосуда «Жат ағымнан сақтану жолдары» хақында баяндап, олардың қойған сұрақтарына жауап берді.

Қостанай облыстық мешітінің баспасөз қызметі

Қостанай облысының Бас имамы Бахытбек Тәжімбеттің Меңдіқара ауданындағы сапары да жергілікті халыққа ұмытылмас әсер қалдырды.

Ол аудандық кітапхана ұжымына және жиналған қауымға Қазақстан мұсылмандары діни басқармасы биыл бекіткен «Ислам және ұлттық құндылықтар» жылы хақында әңгімелеп, оның жан-сарайыңды рухани байытар терең мазмұны жайында баяндады.

Қатысушылар тың тақырыпқа орай өздерінің көкейде жүрген сауалдарын қойып, тиянақты жауап алды.

Қостанай облыстық мешітінің баспасөз қызметі

Жуырда Қостанай қалалық «Марал ишан» мешітінде келелі мәселені қозғаған мәжіліс болып өтті. Мұнда жиналған ақылдастар алқасының мүшелері имандылық ордасының ішкі тәртібі, тазалығы, күнделікті атқарылатын нақты жұмыстарды талқылады.

Басқосуда Бас имам Бектұрсын Уәлиев жыл бойы жүзеге асырылатын міндеттерге тоқталды. Биылғы бекітілген «Ислам және дәстүр құндылықтары» тақырыбының маңызын халыққа жан-жақты жеткізу қажеттігін баяндады.

Болашақта бір бөлмені «таһаратхана» жасап, онда құрылыс-жөндеу жұмыстары жүргізілмек. Сондай-ақ, алдағы Рамазан айына дайындық жайы сөз болып, орталықтағы бір асханада ауызашарды өткізуге ұйғарым жасалды.

Жиында алқа мүшелері күн тәртібіндегі кезек күттірмес жұмыстар бойынша ой-пікірлерімен бөлісті.

Қостанай облыстық мешітінің баспасөз қызметі

Асыл дініміз Ислам – адамзат баласына ақ пен қараны, адал мен арамды, обал мен сауаптың аражігін ажыратып, насихаттап беру үшін Алладан келген иләһи дін. Ғасырлар бойы жалғасып, ата-бабବмыздан мұра болып келе жат¬қан дініміз, бүгінде Аллаға шүкір, халқымыздың өмі¬рі¬не, салт-дәстүрі мен санасына етене араласып, мәде¬ни嬬ті¬мізге айналды. Бірақ халқымыз ұстанатын шариғат қағидасынан бөлек, етене сіңіп кеткен ырымдар мен кейін пайда болған әдеттер де жоқ емес. Оларды нақты ажырата білмей, ырымды дін, әдетті дәстүр деп түсі¬не¬тін¬дер бар. Соның салдарынан кейде ел ішінде түсі-ніспеушілік орын алып жатады. Осын¬дай мәселелердің бірі жаназа рәсім-дерінде көрініс береді. Қабырғасы қайы¬сып, қайғырып отырған отбасы көз жасын бір сығып алып, ас-судың қа¬мы¬на кірісіп кетеді. Жасыратыны жоқ, осындай қаралы жағдайда шектен тыс ысырапқа да жол береміз. Имамдарымыз ысырап жасамаңыздар деп қанша ескертіп жатса да, «жұрт не дейді», «қатардан қалмау керек», «шариғат шарттары бізге келіп тіреліп қалып па, бізден кейін жасарсыңдар» деп, аста-төк ысырапты қысқарта алмай жатқан жайымыз бар.

Естеріңізде болса, 2018 жылдың наурыз айының 23-күні Қостанай облыстық мешітінде «Салт-дәстүр және діни рәсімдер» атты конференция өткен болатын. Маңызды жиынға әр аудан-қаладан ақсақалдар алқасы, сол кездегі облыстық дін істері басқармасының басшысы Жанболат Үмбетов және облыстық ардагерлер кеңесінің төрағасы Кенжебек Укин, облыстың Бас имамы Бахытбек қажы Тәжімбеттің қарамағындағы имамдар қатысқан болатын. Конференция шешімі бойынша қаралы отбасындағы ас беру тәртібі мен марқұмға зират көтеру құрылысының шарттары да арнайы бекітілген.

Асыл дінімізде ысырапқа жол берілмейді. Құранда: «..анығында Алла ысырап етушілерді жақсы көрмейді» (Ағраф сүресі, 31 аят)-делінсе. Ардақты пайғамбарымыз: «Ішіңдер, жеңдер, киініңдер және садақа беріңдер. Алайда ысырапшылық пен тәкаппарлықтан сақтаныңдар». (Ахмад, Мухтар «Әл-Ахадис»111)-деп ескертеді.

Аталмыш мәселеге байланысты 2022 жылдың тамыз айында ҚМДБ-ның төрағасы, Бас мүфти Наурызбай қажы Тағанұлы хазіреттің тікелей бастамасымен «QAMQOR-SHARAPAТ» салттық қызмет көрсету орталығы құрылған болатын. Бұл орталықтың мақсаты-елімізде марқұмға арналған құдайы ас-жиындарда және қабір басына зират көтеруде ысырап пен бәсекелестікке жол бермей, мұсылман қауымына ортақ бірізділік мәдениетін қалыптастыру. Осыған орай ҚМДБ жанындағы «Ғұламалар кеңесі», «Зират және зиярат мәдениеті» мен «Ас беру мәдениеті» туралы концептуалды құжаттар қабылдаған.

Қадірлі ағайын, қымбатты жерлестер! Осы құжаттарды негізге ала отырып, қарапайым халықтың босқа шығынға жол бермей, аталмыш міндеттемелерді орындап, іске асыруда немқұрайлылық танытпайық. Алдағы уақытта облыс бойынша жаназа рәсімдері осы аталған құжаттар негізінде «Қамқор-шарапат» орталығының бекіткен тәртібі бойынша атқарылатынын мәлімдейміз. Қалай десек те, өлім бізді ысырапшылыққа тәрбиелемеуі тиіс. Бағзыдан бергі бағытымыздан жаңылып, бәсеке-байлықтың буымен, қазаның қайғысын елемей, марқұмға деген құрметтің құны кеміп, құндылықтарымыз құрдымға кетуде.

Сондықтан да қадірлі ағайын! Ысырапқа жол беру – өркениетке де, мәдениетке де, асыл дініміздің шариғи талаптары мен ұлттық дәстүрімізге де қайшы екенін жадымыздан шығармайық.

Қостнай облысы бойыша Бас имамы
Тәжімбет Бахытбек Нұрғабылұлы

Имандылық – барлық ізгіліктің бастауы

Арқалық қалалық «Мухтасиб Әлмұхаммед» мешітінің Бас имамы Нұрхан Асанұлы Н.Құлжанова атындағы Торғай гуманитарлық колледжінің студенттерімен кездесті. Оған тәрбиеші Бақыткүл Халалова ұйытқы болды.

Мұнда «Тәрбиенің негізі - имандылық» тақырыбы қозғалды. Бас имам қазіргі таңда жастардың бойында болуға тиісті имандылық, әдептілік, адамгершілік, парасаттылық секілді қасиеттерді сөз етті.

Студенттер де оның тереңнен толғаған ой-пікірлерінен көп жайды көңілдеріне түйіп, шынайы алғыстарын білдірді.

Студенттермен кездесу

Дәл осындай кездесу Арқалық политехникалық колледжінде де өтті. Онда қалалық «Мухтасиб Әлмұхаммед» мешітінің найб имамы Есдәулет Жұмаханұлы жатақханада тұратын студенттермен дидарласып, «Ислам және жастар» тақырыбы бойынша уағыз-насихат айтты. Оның мазмұны терең әңгімесін жастар ұйып тыңдады.

Тағылымы мол жиынды аталған білім ордасы директорының тәрбие ісі жөніндегі орынбасары Сара Алибаева ұйымдастырды.

Бір отбасына көмір түсіріп берді

Биылғы қыс айлары өңіріміздің қай жері болса да жеңілге соғып жатқан жоқ. Қар жылдағыдан көп жауып, боранды болды. Сондықтан, барша қалалар мен аудандардың имамдары пешке от жағатын көмекке мұқтаж жандарға қайырымдылық жасауға ерекше көңіл бөлуде.

Мәселен, Арқалық қалалық «Мухтасиб Әлмұхаммед» мешітінің найб имамы Есдәулет Мұхтардың бастамасымен қолдауға зәру бір отбасына 1,5 тонна көмір жеткізіп берді.

Қостанай облыстық мешітінің баспасөз қызметі

Қостанай облысының Бас имамы Бахытбек Тәжімбет Сарыкөлден кейін ат басын көршілес жатқан Ұзынкөл ауданына бұрды. Мұнда аудандық әкімдіктің бөлім басшыларымен жүздесті. Жиынға қатысушы мемлекеттік қызметкерлерге Қазақстан мұсылмандары діни басқармасы бекіткен «Ислам және дәстүр құндылықтары» жөнінде әңгімеледі.

Сондай-ақ, ол өмір белестерінен өткен аға буын өкілдерінің мағыналы ғұмырын кейінгі жастарға өнеге ету мақсатында құрылған «Аталар мен әжелер» мектебін ашып, сөз сөйледі.

Осы сапар барысында аудандық Мәдениет үйінде жергілікті халықпен кездесіп, ұлтымыздың ежелден келе жатқан салт-дәстүрі мен әдет- ғұрыптарының Ислам дінімен тығыз байланысты екендігіне тоқталды.

Қостанай облыстық мешітінің баспасөз қызметі

Қостанай өңірінде ауа-райының күрт салқындап, термометрдің 27-30 градусқа дейін төмендеуі намазға келуші ағайынға қиындық туғызатындығы белгілі.

Міне, соны жете түсінген қалалық “Жайлаубай ата” мешітінің ұжымы мен жанашыр жамағаттар қасиетті жұма күні “тегін такси” ұйымдастырды. Олар ”Жақсылықта жарыс, елдің батасын ал” деген қағиданы басшылыққа алды.

Қамқорлықты айқын сезінген жұртшылық Шоқан қажы Ғазизұлы басқаратын имандылық ордасының қызметкерлеріне шын жүректен шыққан алғыстарын жаудырды.

Қостанай облыстық мешітінің баспасөз қызметі

Аудандық "Әмит ишан мешітінің ұстазы Гүлнұр Сейілханова "Орамал иманның қабы-сыйы жәннаттың бағы" атты іс-шара өткізді.

Аталмыш жиында әйел, қыз-келіншектер кауымына уағыз-насихаттар айтылып, түрлі ойындар ойнатылды. Мәселен, жиында "Дін мен дәстүр сабақтас ұғым","Исламдағы әйелдің құрметті орыны","Ислам дініндегі бала тәрбиесі ","Орамалды шариғат талабыңа сәйкес тағу","Әлеуметтік желідегі орамалдағы қыздар туралы","Ислам тұрмыстық зорлық -зомбылыққа қарсы" деген маңызды тақырыптар арқау болды.

Уағыз барысында Құран аяттары мен хадистерден дәлелдер келтірілді. Іс-шарадан кейін мешіт асханасында дастарқан жайылды. Мұнда да қатысушыларға бірқатар өзекті жайлар баяндалды.

Қостанай облыстық мешітінің баспасөз қызметі