Қостанай облысының Бас имамы Бахытбек қажы Тәжімбет кезекті іс-сапарында Бейімбет Майлин ауданында болып, бірқатар ұжымдарда әсерлі кездесулер өткізді.

Соның бірі – аудандық мәдениет және тілдерді дамыту бөлімінің орталықтандырылған кітапханасында ұйымдастырылды. Оған С.Ерғалиев атындағы қазақ орта мектебінің мұғалімдері мен жоғары сынып оқушылары қатысты.

Мұндағы әңгімеге «Білім алу және кітап оқудың артықшылығы» тақырыбы арқау болды. Басқосуда адам баласына тиянақты білім алып, қалаған мамандықты игеру ерекше маңызды екендігі айтылды.

Дініміз де барша жұрттың ой-өрісі кең, білікті де білімді азамат болуларын қолдайды. Сондықтан құнды кітап ғұмыр бойы рухани азық болып қалатындығы тілге тиек етілді.

Бахытбек қажы Нұрғабылұлының тереңнен толғаған нақты пікірлері қатысушыларға үлкен ой салды. Соның жарқын айғағы ретінде мектеп басшысы оған оқушылардың атынан шынайы алғысын білдірді.

Қостанай облыстық мешітінің баспасөз қызметі