Жуырда облыстық мешіттің шаңырағында «Шаңырақ» дін мәселелері жөніндегі сауықтыру орталығының директоры, республикалық ақпараттық-түсіндіру тобының мүшесі теолог Мирхат Мұратұлы Мадияров имамдар мен инспекторларға арналған семинар өткізді.

Ол «Деструктивті діни ағымдарын қолдаушыларға әсер етуші психологиялық әдіс-тәсілдерге оқыту» тақырыбын арқау етті.

Сондай-ақ облыста орналасқан түзету мекемелерінде жазасын өтеп жатқандарға орыс тіліне аударылған Құран кәрім және Ислам Ғибадаты кітаптары табыс етілді.

Жалпы Имамдар мен діни қызметкерлер түзету мекемелері қызметкерлерімен алдағы уақытта да нәтижелі жұмыс атқара бермек.

Мұсылмандардың ұлы мейрамы, қасиетті Құрбан айт мерекесі құрметіне Рудный қалалық «Нұр» мешітінің ұйымдастыруымен футбол ойынынан жарыс өткізілді.

Осынау жарысқа аталмыш мешіт қызметкерлерінен құралған бір топ, мешіт жамағатынан тұратын екі топ және Қостанай облысындағы дін жолында қызмет атқарып жүрген имамдардан құралған бір топ командалар қатысып, бақтарын сынасты.

Қызықты да көңілді өткен бұл ойын жамағаттың қасиетті мерекеде олардың көңіл-күйлерін көтеруге, бір-біріне деген бауырмалдықты арттыруға септігін тигізді.

Онда командалар арасында ерекше көзге түскендерге лайықты сый-құрмет көрсетілді. Жеңімпаздардың аты-жөндері өзгелерге өнеге етілді. Рудный қалалық «Нұр» мешітінің бас имамы Азамат Серікбайұлы барша қатысушыларға шынайы алғысын білдіріп, мұндай жарыстар барша мұсылман жамағатын біріктіре түсетіндігін айтып өтті.Содан кейін киелі орында дастарқан жайылып, бір-біріне жылы лебіздерін жеткізді.

Сонымен қатар,әңгіме арқауына айналған мейрамның құрметіне спорттық шара Қостанай облыстық мешітіндеде ұйымдастырылды.Онда, негізінен, қазақ күресінен палуандар күш сынасты.

Бұл жарысқа Рудный қалалық «Нұр» мешіті атынан бақтарын сынаған азаматтар нәтижелі өнер көрсетті. Сондай-ақ, қазақ күресінен жоғары салмақта екінші орынды -Сатжан Ғалымжанұлы, үшінші орынды Қанат Қарбозұлы иеленді.

Жеңіл салмақта бірінші орынды қарсыластарынан мықты екендігін дәлелдеген МедеуАзнабаев жеңіп алды. Ал кеншілер қаласы Рудный шаһарындағы «Нұр» мешітінің атынан қатысқан палуандар арнайы сыйлықтармен марапатталды.

Жақында Лисаков қалалық «Әбдіхаим Саламатұлы» мешітінде және Қарабалық аудандық «Ғашура ана» мешітінде әлеуметтік жағынан аз қамтылған және көп балалы отбасы балаларына қайырымдылық көмек көрсету мақсатында «Мектепке жол» акциясыөткізілді.

Аталмыш акция шеңберінде мектеп жасындағы оқушыларға алдағы оқу жылына керекті сөмке және құрал-жабдықтар тапсырылды.

Әрине, мына тіршілікте балалардың жүзіндегі қуанышты көруден артық бақыт жоқ. Имандылық ордасында оларға сыйлықтар тапсырылғанда қандай қуанды десеңізші.

Осындай қайырымдылық шаралары облысымыздың барлық аудандары мен қалаларындағы мешіттерде жалғасын табады.

Жуырда Денисов ауданы «Жұма» мешітінің ұжымы «Құрбан айт құтты мереке» атты шара өткізді. Айт намазынан соң құрбандыққа байланысты уағыз-насихаттар айтылып, мешіт ауласында құрбандық шалу рәсімі өтті.

Құрбандыққа шалынған малдың еті әлеуметттік жағынан аз қамтылған, мүмкіндігі шектеулі және көпбалалы отбасыларына таратылды. Аудан басшылығы жиналған жамағатты айт мерекесімен құттықтап, көпшілікке ізгі тілегін білдірді.

Айтулы мерекеге орай мәдени және спорттық іс-шаралар ұйымдастырылды. Мәселен,арқан тарту, қол күресі, гір көтеру секілді ойындардан сайыстар өткізілді. Әсіресе, жастар жағы бұл орайда ерекше белсенділік танытты.

Сонымен қатар, көпшіліктің рухын көтеру мақсатында діни әндер мен ғибратты термелер орындалды. Ауданның бас имамы Болатжан қажы Байшевөз сөзінде бұл мереке адам баласын қайырымдылық пен мейірімділікке, ынтымақ-бірлікке шақыратын,тағылымы мол, ұлық мейрам екеніне тоқталды.

Аталмыш шараның жоғары деңгейде өтуіне мұрындық болған демеушілер мен спорт жеңімпаздарына мешіт атынан Алғыс хаттар мен сый-сияпат жасалды.

Быйылғы тамылжыған тамыздың 11-ші жұлдызы Қостанай халқына ерекше болып атты. Бұл күн әрі мереке әрі демалыс күні болған соң облыстық мешітке халық көп жиналды. Олар Құрбан Айт намазына деген ықыластарын биыл да ерекше көрсетті. Өйткені, үлкенді-кішілі кісілердің белсенділігі соншалықты, ине шаншар орын болмады.

Жұртшылықтың алдында Қазақстан мұсылмандары діни басқармасының өңірдегі өкіл және облыстың бас имамы Бахытбек қажы Нұрғабылұлы тебірене сөз сөйледі. Мерекемен құттықтап, әрбір шаңыраққа ырыс-ынтымақ, молшылық тіледі. Кез-келген жанның рухын көтеріп, көкейлеріне қонарлықтай уағыз айтты.

Ол бұл Айттың өзіндік танымдық-тәрбиелік жағына айрықша көңіл бөлді. Бұрын белгілі бір себептермен араздасқан кісілер болса татуласып, бір-бірінен кешірім сұрау, дүниеден өткен кісілердің қабіріне барып тағзым ету, жетім-жесірге қамқорлық жасау керектігіне тоқталды.

Сонымен қатар, аруақтарға бағышталып Құран оқылды. Жиналған жамағат қаншама ұлағатты ой-пікірлер естіп, жан дүниелерін байыта түсті. Құрбан Айт намазынан кейін облыстағы арнайы бөлінген орындарда мұсылман бауырларымыз шын ниетпен құрбандық шалды.

Осы күндері Құрбан Айт мерекесінің құрметіне намазхандар арасында қазақша күрестен жарыстар өткізу жоспарланған.

Ал қайрымдылық мақсатында балық мешіт құрбандық еттерінен аз қамтылған және көмекке мұқтаж отбасыларына үлестіруде.

Қазіргі таңда Арқалық шаһарында Арыс қаласынан келген 70 бала демалуда. Олар «Құрылысшы» деп аталатын демалыс лагерінде орналасқан. Оларға қолдан келген қамқорлықтардың бәрі де жасалып жатыр.

Алыстан келген балдырғандардың жай-жапсарымен танысу мақсатында «Мухтасиб Әлмұхаммед» мешітінің бас имамы Бектұрсын Торғайбайұлы және киелі орынның қызметкерлері бүлдіршіндермен кездесті.

Бас имам балалармен жүздесу барысында имани тәлім-тәрбие, үлкенді сыйлау, ата-ананы құрметтеу жайлы сөйлесті. Сондай-ақ мұсылман баласы ешқашанда өтірік айтпауы, бұзақылық жасамауы керектігі, көркем мінезді азамат болып қалыптасуы қажеттігі жайлы сөз етті.

Сонымен қатар қонақ балаларға сый-сыяпатта көрсетті. Өздерімен ала барған түрлі тәттілер мен шырындарды табыс етіп, көңілдерін бір көтеріп тастады.

Жалпы Түркістан облысының Арыс қаласынан демалуға келген балалар уақыттарын көңілді де мазмұнды өткізуде. Олар да өздеріне ерекше ықылас көрсеткен мешіт қызметкерлеріне дән риза болысты.

Қазақстан мұсылмандары діни басқармасы 2019 жылы Құрбан айт мерекесі тамыз айының 11-і күні басталатынын хабарлайды.

Астрономиялық тұрғыдан Айдың тууы бейсенбі күніне, яғни 1 тамызға сәйкес келеді. Ал, 2 тамыз зулхиджа айының бірінші күні болып саналады.

Арапа күні 10 тамызға сәйкес келеді. Арапа – қажылар Арафа жотасында құлшылық ететін күн.

Қажылыққа бармаған мұсылмандар үшін арапа күні ауыз бекіту – мұстахап (жағымды) амал. Әбу Қатадан жеткен хадисте: «Арапа күнінің оразасы өткен және келер жылдардың күнәларына кәфәрат (кешірім) болады...» делінген.

Жағдайы бар мұсылманның құрбан шалуы – уəжіп (міндет). Құрбандыққа түйе, сиыр жəне қой (ешкі де) шалынады. Құрбандық малы айт намазынан кейін айттың үшінші күні күн батқанға дейін шалынады.

Құрбандық етін үшке бөліп таратуға болады. Бір бөлігі өзіне қалады, екінші бөлігі ағайын-туыс, көршілерге беріледі, үшінші бөлігі көмекке мұқтаж кісілерге таратылады.

Жақында Арқалық қаласына қарасты Жаңақала ауылында мұсылмандардың құлшылыұ орыны «Намазхана» салтанатты түрде ашылды. Бұл, биылғы жастар жылындағы ауыл жастарының елге қосқан сүбелі еңбегі. Ауылдың саналы жігіттері өздері ақылдаса келіп, халықты имандылыққа баулу мақсатында өз қаражаттарымен аталған киелі орынды пайдалануға берді.

Намазхана үйінің ашылу салтанатына Әулиекөл ауданы және Арқалық шаһарының бас имамдары Нұрбол Балахметов пен Бектұрсын Уәлиев, сонымен қатар қала әкімінің орынбасары Түбекбай Әубәкіров, ішкі саясат бөлімінің басшысы Мансия Айтмағамбетова, «Жастар ресурстары» орталығының жетекшісі Аманкелді Ахметжанов және басқа да азаматтар қатысты.

Осы басқосуда Арқалық қаласының бас имамы Бектұрсын Уәлиев жиналған қауымды шын жүректен құттықтап, өздерінің лайықты үлестерін қосқан жастарға алғысын білдірді. Оларға алдағы уақытта да мықты денсаулық, отбасыларында бақыт, қызметтерінде табыс тіледі.

Ал жиналғандарға имандылық ордасының қалың жұртшылықтың жиі басқосар орнына айналатындығына нық сенімді екенін айтты. Сөйтіп, намазханаға қасиетті Құран мен аяттар жазылған тақтаны тарту етті.

Намазханаға аталмыш ауыл тұрғыны Бауыржан Мырзабекұлы діни қызметкер болып тағайындалды. Салтанатты жиыннан кейін көпшілікке ас беріліп, қайтыс болған жандарға Құран бағышталды.

Сондай-ақ жоғарыда әңгіме арқауына айналған намазхана үйінің тұрғызылуына өздерінің демеушілік-қолдауын көрсеткен барша азаматтарға «Алғыс хат» табысталды.

Қостанай қалалық «Жайлаубай ата» мешітінде 2019 жылдың 24 маусымы мен 14 шілдесі аралығында мектеп оқушыларына арналған сауат ашу курсы ұйымдастырылды. Аталған шараға жетекшілік еткен наиб имам Сейдағалиев Нұрлан және «Нұр-Мүбарак» Египет ислам мәдениеті университетінің тәжрибе демалысындағы шәкірттер.

Аталған сауат ашу курсы екі бағытта жұмыс істеді. Мәселен, алғашқысында жазғы лагерь, яғни балалар 20 күн бойы мешітте дәріс алса, ал екінші жартысында түске дейін ұйымдастырылған дәрістерден сауаттарын ашты. Діни сауат ашу курсына 8-15 жас аралығындағы 40 бала қабылданды.

Мешіт ұстаздарының мәжілісінде бекітілген оқу жоспарына сәйкес балалар «Құран әліппесі», «Имандылық әліппесі» және «Әдеп» сабақтарынан діни білім алып, таным көкжиектерін кеңейтті.

Аталған парасат ордасында шәкірттер тек білім алып қана қоймай, көңілді әрі бой сергітер ойындарға қатысып, өз араларында жарыстар өткізді.Сонымен қатар шаһардың көрнекті жерлерін аралап, оларға түрлі серуендер де ұйымдастырылды.

Әңгіме арқауына айналған шараның соңында балаларға сертификат табысталды. Діни білім нәрімен сусындаған балалар соңында «Дильшод» асханасы ұйымдастырған қайырымдылық дастарханынан дәм татты.

«Балықты» мешітінің бас имамы Есенгелді қажы Сақтағанұлының ұйытқы болуымен Ұзынкөл ауданында балалардың жазғы демалыс кезінде діни сауат ашу курсы өтті.

Аудандық мешітте балаларға арналған имандылық демалысының басты ұстанымы «Сіздердің ең жақсыларыңыз Құранды үйреніп және басқаларға үй-реткендеріңіз» деген ұлы Пайғамбарымыздың (с.ғ.с) хадисі және қазақтың ұлы ағартушысы Ы.Алтынсарин атамыздың «Бір Аллаға сыйынып, Кел балалар оқылық» деген тағылымы мол ұлағатты өлең жолдары болды.

Демалыста ұйымдастырылған шараның өзге демалыс орындарынан ерекшелігі - жеткіншектерге дініміздің қағидалары мен Құран әліппесін оқуды үйретуінде.

Сөйтіп балаларымыз ғасырлар бойы халқымыздың көкірегіне ұялап, қанына сіңген Ислам дінінің имандылық қағидаларын үйренумен қатар ізгілік, қайырымдылық, адалдық, әділдік сияқты жақсы қасиеттерді де бойларына сіңірді.

Сонымен қатар балалар ұлттық ойындардыда ойнады. Ал дәріс беруші имамдар Алла тағаланы таныған жеткіншектердің келешекте жақсы аззамат болады деп үміттенетінін айтып өтті.

-«Бұл жазғы демалыс дәстүрге айналды. Дінді таныған балалар келешекте жаман әдеттерден аулақ болады. Келген балаларға қазақтың салт-дәстүрін, ұлтымыздың тарихын үйретеміз. Ислам дінмен танысқысы келген әрбір оқушының үйренері мол» дейді Ұзынкөл аудандық«Балықты» мешітінің бас имамы Есенгелді Әжімахантегі өз сөзінде.