Биылғы Рамазан айы жұртшылық үшін үлкен қуаныш ала келді. Өйткені, әлемді жайлаған қауіпті індет бәсеңсіп, мұсылмандар қауымы бұрынғыдай мешітте бірге ауызашар өткізуде .

Жүрегінде иманы бар іскер азаматтар сауабы мол ауызашар беруді қолға алды. Қазір ол облыс ойынша бірнеше мешіттерде күнделікті дәстүрге айналды.

Мәселен, кеше Қостанай қаласының жаңадан тағайындалған әкімі Марат Жүндібаев «Жайлаубай ата» мешітінде ораза ұстаған көпшілікке ауызашар дастарқанын жайды. Оған белгілі зиялы қауым өкілдері қатысты.

Шаһар басшысының бұл шарапаты мол ісіне жиналғандар дән риза болды. Қадірменді ақсақал, мемлекет және қоғам қайраткері Кенжебек Укин ақ батасын берді.

Қостанай облыстық мешітінің баспасөз қызметі