Таяуда Қостанай қалалық "Жайлаубай ата" мешітінің жамағаты мен шәкірттері "Дархан Дала" жобасы аясында ұлы ағартушы, даңқты жерлесіміз Ыбырай Алтынсариннің 180 жылдығына орай оның есімі берілген Қостанай облыстық мемориалдық мұражайда болды.

Қайталанбас тұлғаның өткен мағыналы өмір жолы, халқына сіңірген ерекше еңбегімен жан-жақты танысты. Көп жайды көңілдеріне түйді. Мол мағлұматтар алды.

Жұртшылыққа үстіміздегі жылы ұлтымыздың рухани көсемі Ахмет Байтұрсыновтың туғанына 150 жыл толатыны белгілі. Осы айтулы мерейтой "ЮНЕСКО" көлемінде аталып өтпек.

Сондықтан жоғарыда аталған бауырларымыз мемориалдық мұражайдан кейін шаһарымыздағы ұлт ұстазының ескерткішіне тағзым етті. Мұндағы олардың алдына қойған басты мақсат - қазақ елінің жарқын болашағына адал қызмет етуге бүкіл саналы ғұмырларын арнаған бабаларымызға құрмет көрсету арқылы өскелең ұрпаққа патриоттық тәрбие беру еді.

Қостанай облыстық мешітінің баспасөз қызметі